admin 
மருதங்கேணி: வடமராட்சி கிழக்கு பகுதியில் அன்னை பூபதியின் நினைவு ஊர்தி பொலிஸாரால் தடுக்கப்பட்டதாக சமூக வலைதளங்களிலும் ஊடகங்களிலும் வெளியான செய்திகளில் உண்மையில்லை என மருதங்கேணி பொலிஸ் நிலைய பொறுப்பதிகாரி தெளிவுபடுத்தியுள்ளார்.
சம்பவம் குறித்து அவர் வழங்கிய மேலதிக விளக்கங்கள் வருமாறு:
முன் அனுமதி பெறப்படாமை
குறித்த நினைவு ஊர்திப் பயணம் தொடர்பாக முன்னதாக பொலிஸாரிடம் முறையான எவ்வித அனுமதியும் பெறப்பட்டிருக்கவில்லை என அவர் சுட்டிக்காட்டினார்.
வழக்கமான பாதுகாப்பு சோதனை
அனுமதி பெறப்படாத நிலையில், பாதுகாப்பு நடைமுறைகளை உறுதிப்படுத்துவதற்காகவும், விசாரணைகளுக்காகவும் மாத்திரம் ஊர்தி சிறிது நேரம் நிறுத்தி வைக்கப்பட்டது. இது ஒரு திட்டமிட்ட தடுப்பு நடவடிக்கை அல்ல என அவர் தெரிவித்தார்.
பயணத்தைத் தொடர அனுமதி
உரிய விசாரணைகள் மற்றும் சோதனைகள் நிறைவடைந்த பின்னர், ஊர்தி தனது பயணத்தைத் தடையின்றித் தொடர பொலிஸாரால் அனுமதி வழங்கப்பட்டது.
தவறான புரிதல் காரணமாகவே ஊர்தி பொலிஸாரால் மறித்து நிறுத்தப்பட்டதாகச் செய்திகள் பரவியதாகவும், சட்ட ரீதியான நடைமுறைகளைப் பின்பற்றியே இந்த நடவடிக்கை எடுக்கப்பட்டதாகவும் மருதங்கேணி பொலிஸ் நிலைய பொறுப்பதிகாரி மேலும் தெரிவித்துள்ளார்.
