ஹோர்முஸ் ஜலசந்தியைக் கடந்து சென்ற பனாமா கொடி ஏற்றிய எண்ணெய்க் கப்பல் மீது செவ்வாய்க்கிழமை காலை தாக்குதல் நடத்தப்பட்டுள்ளது. இந்தத் தாக்குதலில் கப்பலில் இருந்த 12 பேர் காயமடைந்துள்ளனர். காயமடைந்தவர்களில் 11 பேர் இந்தியர்கள் என்று இந்திய வெளியுறவு அமைச்சகம் தெரிவித்துள்ளது.
அரபு சுற்றுலா
எம்டி ஆன் பீஸ் என்ற வர்த்தகக் கப்பல் ஹோர்முஸ் ஜலசந்தி வழியாகச் சென்றுகொண்டிருந்தபோது எறிபொருள் ஒன்றால் தாக்கப்பட்டதாக இந்திய வெளியுறவு அமைச்சகம் தெரிவித்துள்ளது.
கப்பலில் மொத்தம் 19 பேர் பணியாற்றி வந்தனர். அவர்களில் 17 பேர் இந்தியர்கள். தாக்குதலில் காயமடைந்த 12 பேரில் 11 பேர் இந்தியர்கள் என தெரிவிக்கப்பட்டுள்ளது.
காயமடைந்த மாலுமிகள் ஓமான் அதிகாரிகளின் உதவியுடன் மீட்கப்பட்டனர். அவர்கள் ஓமானின் கசாப் நகரில் உள்ள மருத்துவமனையில் சிகிச்சை பெற்று வருகின்றனர். அவர்களின் உடல்நிலை குறித்த விரிவான தகவல்கள் உடனடியாக வெளியிடப்படவில்லை.
ஹோர்முஸ் ஜலசந்தி ஏன் முக்கியம்?
ஹோர்முஸ் ஜலசந்தி வளைகுடா பகுதியில் உள்ள மிக முக்கியமான கடல் பாதைகளில் ஒன்றாகும். உலகின் பல நாடுகளுக்கு தேவையான எண்ணெய் மற்றும் இயற்கை எரிவாயுவை ஏற்றிச் செல்லும் கப்பல்கள் இந்தப் பாதையைப் பயன்படுத்துகின்றன.
எரிவாயு பதிவுசெய்
இதனால் இந்தப் பகுதியில் கப்பல்கள் மீது தாக்குதல்கள் தொடர்ந்தால், சர்வதேச வர்த்தகத்திலும் எரிபொருள் விநியோகத்திலும் பாதிப்பு ஏற்படக்கூடும் என்ற கவலை எழுந்துள்ளது.
