இலங்கையின் புகழ்பூத்த மூத்த சிவாச்சாரியார்களில் ஒருவரான சிவாகம கலாநிதி தாணு மகாதேவ குருக்கள் தனது 88ஆவது வயதில் இன்று(25) சிவபதமடைந்துள்ளார்.
யாழ்ப்பாணம் இணுவில் தர்மசாஸ்தா குருகுல அதிபராக சிவஸ்ரீ தாணு மகாதேவ குருக்கள் இலங்கையில் பல சிவாச்சாரியார்களை உருவாக்கிய பெருந்தகையாக போற்றப்படுகிறார்.
தாணு மகாதேவ குருக்களின் இறைபணியை பாராட்டி இந்தியாவின் தருமை ஆதீனம் சிவாகம கலாநிதி என்ற சிறப்புடன் கௌரவம் வழங்கியிருந்தமையும் குறிப்பிடத்தக்கதாகும்.
இதேவேளை, சிவாகம கலாநிதி தாணு மகாதேவ குருக்களின் மறைவு தொடர்பில் சர்வதேச இந்துமத குருபீடம், இந்து குருமார் அமைப்பு உள்ளிட்ட பல்வேறு அமைப்புகளும் இரங்கல் தெரிவித்துள்ளன.
