பொன் பார்த்தீபன்
மிகச் சிறந்த ஆளுமை மிக்க கலைஞன்
மழைப் பொழிவாய் குரல் அலையில்
கொடிகட்டி பறக்கும் இளைஞன்
இசை வழியே இன்பக்கவிகளை இனிக்க வைக்கும் பிரியன்
பிறர் கலையை தன் கலையாய் மதித்து
உலகெங்கும் எடுத்து செல்லும் கவிஞன்
மிகச் சிறந்த அறிவிப்பாளன்
பல சிலுவைகளை சுமந்தும் பயணிக்கும்
யேசு பாலன்
இசை கலை என எப்போதும் அலைபோல்
கரை தொட எழுந்து வரும் பேராற்றல்கொண்ட வீரன்
மனவளம் காக்க மானுடம் பூக்க தினம்
பலதை உரைக்கின்ற தமிழ் மாறன்
பத்தோடு ஒன்றாக இருக்காமல்
தனி முத்தாக வெளி வர தவமிருக்கிறான்
நாளும் பல பாடல்களை ஒலிபரப்பி
வாழும் உறவுகளுக்கு வசந்ததை நிரப்பி
தனித்தே நின்று வடமிழுக்கிறான்
காலச் சூறாவளியால் கரை ஒதுங்கி இருந்தாலும்
கல்வியின் மேன்மை கொண்டு
தலைமுறைக்கு வகுப்பு எடுக்கிறான்
கலையின் தலைவருடி பல கலைஞர்களின்
புதையல்களை தேடி எடுத்து
புகழ் கொடுக்கிறான்
வளர்ந்த கலைஞர்களே இவன் பக்கம் கொஞ்சம் நடந்து வாருங்கள்
வளரும் கலைஞர்களே இவனோடு
ஒரு தடவை பேசிப் பாருங்கள்
தலைவருடி தாயவள் உச்சி முகர்ந்தது போல்
தங்கள் கலை தானாக இன்னும் மகிழ்ந்தாடும்
அழகு தமிழ் கலைஞன் பொன்- பார்த்தீபன் மனமும் மலர்ந்தாடும்
தமிழைக் கவிதையை இசையை இன்பத்தமிழ்
கலையை பேரழாக்கி நடைபோடும் வசீகர குரலோனுக்கு
வளம் யாவும் சூழவும் – நாளைய வரலாறாகவும்
இந்த அண்ணனின் வாழ்த்துக்கள்
பெரும் புதையல் இவன்
பெரும் விதையல் இவன்
அழகிசை குரலின் கானம் இவன்
அகிலம் நாளை போற்றும்
காலம் இவன்
